Panthera

Panthera
Twee leeus (Panthera leo)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Carnivora
Familie:	Felidae
Subfamilie:	Pantherinae
Genus:	Panthera Oken, 1816
Tipespesie
Felis pardus Linnaeus, 1758

Panthera (of panterkatte) is 'n genus van die familie Felidae. Dit het vier lewende spesies, wat die grootste katte van die Felidae-familie uitmaak. Al die katte in die familie kan bome klim en hulle is die enigste katte wat kan brul. Die tier is die grootste Panthera-spesie, asook die grootste van al die katte. Die luiperd is die kleinste van die Panthera-spesies.

Die jagluiperd is nie deel van die genus nie, omdat dit meer verwant aan kleiner katte is. Die jagluiperd is ook anders as al die ander katte omdat dit net effens intrekbare kloue het en sy prooi jaag, en nie soos ander katte bekruip nie.